Дополнения и поправки: Кривое (к с. 231)

Оригинал

231. КРИВОЕ. Принадлежало въ 1618 году Ѳедору Тышѣ Быковскому, какъ явствуетъ изъ ниже приводимаго акта, заимствованнаго изъ Арх. Ю. З. Р. томъ I, стр. 211. «Року 1618, Апрѣля 17 дня. На врадъ Его Королевское Милости, на замокъ Житомірскій писали и присылали урожоные ихъ милость панове: Василей отецъ, а Теодоръ сынъ Тиша Быковскіе, сполне жалуючи и соленитеръ ся протестуючи на неякогось Василея, яко ся онъ самъ прозвалъ Мировицкимъ, на зрайцу и збѣга отъ его милости пана Теодора Тиши Быковскаго утеклаго, въ тотъ способъ: ижъ року теперъ идучаго 1618, подъ часъ своволенства, кгды гультае козацтво, подъ претекстомъ истя на экспедицію Московскую, ръкомо до Королевича Его Милости, своволне купы збирали и безъ дозволенія Его Королевской Милости и гетмана короннаго корогвы распростираючи, землю Его Королевское Милости власную: Украину, Полѣсье и Литву одно, спрлюндровали. Подъ который же часъ и тогожъ року менованный Василей Мировицкій у поменованнаго пана Теодора Тиши, въ маетности его милости, у сели Кривомъ урядникомъ будучи, и черезъ цалый рокъ пожитки на себе беручи, пану своему съ того личбы, яко звычай несетъ, не учинивши, за которымъ неучиненьемъ личбы шкодъ собѣ панъ Тиша чрезъ него, въ тотъ часъ, кгды былъ у его милости урядникомъ починенныхъ, на двѣ тысячи злотыхъ польскихъ быти менитъ, зрадилъ и отъ его милости прочь потаемне збѣгъ и утекъ. Тамъ же будучи розъятреннымъ тымъ же своволенствомъ, яко и другіе гультае, полковникомъ ся учинивши, полки зобравши и короговь роспростерши, съ тымъ полкомъ гультасвъ, на срокгость права посполитаго ничого не дбаючи, ани се огледаючи, впредъ на маетность урожоного его милости пана Теодора Тиши Быковскаго, село Кривое кгвалтовне наѣхавши, оное село, такъ и приселки до него належачіе спустошилъ и великіе кривды и шкоды браньемъ коней, быдла, отбіяньемъ коморъ, шарпаньемъ маетности розмаитое, што одно у кого было: сала, полти, полотна, плахты и готовые гроши. У той маетности, чрезъ килька дней стоячи, подданыхъ его милости, которыхъ шкодъ на 4000 злотыхъ польскихъ поднятыхъ быти менитъ, кгвалтовне починилъ; передъ которымъ и самъ его милость, здоровья своего небезпеченъ былъ, поневажъ на здоровье его, хотячи его зъ сего свѣта збавити, чигаючи, усиловалъ; а потомъ тогожъ року и мѣсто Ходорковъ, маетность его милости пана Василя Тиши Быковскаго, чатою убѣгши, тое мѣсто, такъ и села до него належачіе: Пустынники (а не Пустельники), Ратную, Здвиждень, Малиновъ, Болячевъ и Вилю у подданыхъ его милости, отъ села до села съ тою купою ръкомою на экспедицію московскую ходячи, маетность усю, што одно у котораго подданаго было, также и на Полѣсю на маетность тогожъ его милости пана Василя Тиши розныхъ часовъ и дней тогожъ року заѣхавши въ селахъ: Горбыловѣ, Осечи, Видиборъ, Молодцеве и Няневчизне такимъ же способомъ, въ побраню розмаитыхъ добытковъ, великіе шкоды починилъ; которыхъ-то шкодъ инъ генере, яко зъ миста Ходоркова, такъ и зъ селъ до него належачихъ, яко и въ Полѣсской маетности чрезъ него починенныхъ, ошацовавши на десять тысячей золотыхъ польскихъ поднятыхъ быть менятъ. О которое-то спустошенье маетностей своихъ.......»